Reports

Toronto Big Boy Tosin Oyebade Nabbed Over Massive Transnational Car Theft Ring

Tosin Oyebade and stolen cars in Canada used to illustrate story { credit : BBC]

Tosin Oyebade, one prominent auto dealer wey many pipo for Canada sabi as big socialite, don land for big trouble after dem arrest am alongside 11 oda suspects. Authorities for Canada hook the group over allegation say dem dey run one serious motor theft syndicate wey dey target luxury vehicles wey dem dey ship go West Africa.

The Peel Regional Police confirm on Monday say the raid on this criminal network lead to the recovery of 96 stolen vehicles, wey the total value reach 4.5 million Canadian dollars. Na for one warehouse for Brampton the police first start the work, as dem bin suspect say the syndicate dey keep stolen cars there before dem pack them inside shipping containers to send them go overseas.

Before this arrest, plenty pipo bin dey look Mr. Oyebade as a kind man. As recently as May 2024, some media reports even paint am as a philanthropist wey dey work hard to support the Black and Nigerian communities for North America. As the Chairman and CEO of Iconic Global Cargo, a cargo and logistics company base for Toronto, many bin see am as a successful business man and a source of pride. In fact, just this year, the Toronto/Nigerian Lions Club International honor am for im supposed contributions to community development.

But as of now, the story don change. The 45-year-old man dey face 32 different charges, including 16 counts of possession of property wey dem obtain through crime and 16 counts of trafficking stolen goods.

Police reveal the full list of the oda suspects who join am for the case. The Nigerians include Stanley Udeh (46), Odewale Abraham (57), Oluyemi Sodade (51), Oluwaseyi Bameke (39), Gbolahan Babatunde (29), Olushola Oke (42), and Kenneth Okafor (58). Four oda suspects wey no be Nigerian—Karamveer Singh (26), Henrik Gancz (57), Jaspreet Singh (25), and Darryl Davance (25)—also dey the hook.

The matter of luxury car theft don turn big palava for Canada, and the police dey work hand-in-hand with the Canada Border Services Agency to stop the trend. Reports show say plenty of these stolen motors dey end up for Nigeria. For one separate investigation, the EFCC bin work with the Royal Canadian Mounted Police to track over 350 vehicles wey dem steal from Canada and ship go Nigeria. Some of these motors dem later find for car stands for Lagos, especially around Lekki and Tin Can Island.

As at July 2024, the court don order the final forfeiture of some of these recovered vehicles to the Federal Government. Recently, the EFCC also handed over 53 recovered cars to Canadian authorities, showing how deep the transnational crime ring really reach.

Source: NaijaProbe